Netflix-ը «Կաղամարի Խաղը» սերիալի ռեժիսորին բոնուսներ չի վճարել շոուի հաջողության համար. The Guardian
Հարավկորեական «Կաղամարի Խաղը» (Squid Game) հիթային սերիալի ստեղծող, ռեժիսոր Հվանգ Դոնգ Հյուկը ասել է, որ Netflix-ից բոնուսներ չի ստացել շոուի համաշխարհային հաջողության համար: Այս մասին նա խոսել է The Guardian-ին տված հարցազրույցում։
«Ես այնքան էլ հարուստ չեմ (ինչպես սերիալում՝ խաղի հաղթողը, որը ստանում է 38,5 միլիոն դոլար), բայց ես ունեմ բավարար չափով: Netflix-ն ինձ բոնուսներ չի վճարել, ես ստացել եմ այն գումարը, որն ի սկզբանե գրված էր պայմանագրում»,- ասել է Հյուկը:
Հրատարակությունը իրերի այս վիճակը անվանել է անարդար, քանի որ Հյուկը հարթակին բերել է բազմամիլիոն դոլարի շահույթ:
«Կաղամարի Խաղը» սերիալի գաղափարը կինոռեժիսորի գլխում ծագել է դեռ 2009 թվականին, երբ Կորեայի Հանրապետությունը բախվել էր համաշխարհային ֆինանսական ճգնաժամի։ Նա ֆինանսավորում է փնտրում իր նախագծի համար արդեն 10 տարի:
