ԱՄՆ-ում առաջարկել են Covid-19-ի դեմ պատվաստել 5-ից 11 տարեկան երեխաներին. The New York Times
ԱՄՆ Սննդամթերքի և դեղերի վարչությունը (FDA) խորհուրդ է տվել Covid-19-ի դեմ պատվաստել 5-11 տարեկան երեխաներին, հայտնում է The New York Times-ը:
Հրապարակման համաձայն՝ 18 փորձագետներից 17-ը կարծում են, որ Pfizer-ի պատվաստանյութի առավելությունները գերազանցում են հնարավոր կողմնակի ազդեցությունների ռիսկերը: Պատվաստանյութերի հարցով կարգավորող մարմնի ղեկավար Փիթեր Մարքսն ասել է, որ ԱՄՆ-ում 5-11 տարեկան երեխաների շրջանում մոտ 2 միլիոն մարդ հիվանդացել է։ Հաղորդվում է, որ պատվաստումները կարող են սկսվել արդեն նոյեմբերին և հասանելի կլինեն 28 միլիոն երեխայի։
