Երբ 211 նոր ավտոբուսները կմտցվեն տրանսպորտային ցանց. Մարության
«Հստակ ժամկետներ նշել չեմ կարող, թե երբ 211 նոր ավտոբուսները կմտցվեն տրանսպորտային ցանց, քանի որ դա կախված է ոչ ինձանից, ոչ քաղաքապետարանից»։ Այս մասին այսօր Երեւանի ավագանու նիստում ասաց Երեւանի քաղաքապետ Հայկ Մարությանը։
Նա նշեց, որ 4-5 ավտոբուս փոխադրման ժամանակ վնասվել է, եւ դրանք պետք է կարգի բերել՝ ընդունում-հանձնումն ավարտելու համար. «Իմ կողմից հստակ կարգադրություն է արվել, որպեսզի բոլոր ընթացակարգերը ավարտվեն»,-ասաց Մարությանը։
Նրա խոսքվ` այժմ վարորդները վերապատրաստվում են։
Մարությանն անդրադարձավ նաեւ տրանսպորտում երթևեկության համար քարտային վճարմանը` նշելով, որ այդ համակարգը կներդրվի 2-3 ամսից։
