Այսօր ՆԱՏՕ-ն պատրաստ չէ ընդհանուր անվտանգության. նա ուժեր է մոտեցնում ՌԴ սահմաններին. Շոյգու
ՆԱՏՕ-ն հետևողականորեն ուժեր է մոտեցնում ՌԴ սահմաններին: Այս մասին հայտարարել է ՌԴ պաշտպանության նախարար Սերգեյ Շոյգուն, հայտնում է ՏԱՍՍ-ը:
«Ռուսաստանին ռազմական զսպման կոչերի ֆոնին ՆԱՏՕ-ն հետևողականորեն ուժեր է մոտեցնում մեր սահմաններին: Գերմանիայի պաշտպանության նախարարը լավ պետք է իմանա, թե ինչպես է սա ավարտվել Գերմանիայի և Եվրոպայի համար: Եվրոպայում պետք է մեկ ընդհանուր անվտանգություն լինի՝ առանց Ռուսաստանի շահերը ոտնահարելու: ՆԱՏՕ-ն, սակայն, պատրաստ չէ այս հարցում հավասար երկխոսության»,-նշել է Շոյգուն:
Նա աղետ է համարել Աֆղանստանում ՆԱՏՕ-ի զսպման ծրագրի իրականացման արդյունքները:
«ՆԱՏՕ-ի զսպման ծրագրի իրականացումն Աֆղանստանում աղետով ավարտվեց, որով այժմ զբաղվում է ամբողջ աշխարհը»,-ասել է նախարարը:
