Դավիթ Սեդրակյանի փոխարեն ո՞վ կլինի «Հայաստան» խմբակցության պատգամավորը
Այսօր մանդատը վայր դնելու վերաբերյալ հայտարարություն է արել «Հայաստան» խմբակցության պատգամավոր, Մհեր Սեդրակյանի որդին՝ Դավիթ Սեդրակյանը։
24News-ի հետ զրույցում «Հայաստան» դաշինքի պատգամավոր Գեղամ Մանուկյանը նշեց, որ օրենքով սահմանված է յոթ օր․ եթե Դավիթ Սեդրակյանը դիմումը հետ չվերցնի, Ազգային ժողովի նախագահը պետք է հայտարի մանդատը վայր դնելու մասին։
«Ազգային ժողովի նախագահի հայտարարությունից հետո Կենտրոնական ընտրական հանձնաժողովը մանդատը կփոխանցի հաջորդող պատգամավորին, իսկ հաջորդ պատգամավորը Առուշ Առուշանյանն է, իրեն էլ հաջորդում է ազգային հերոս Թաթուլ Կրպեյանի դուստրը՝ Ասպրամ Կրպեյանը: Առուշ Առուշանյանի անձնական որոշումն է, քանի որ նա օրերս ընտրվել է Գորիս համայնքի ղեկավար»,-հավելեց Մանուկյանը:
