5 տարի առաջ քաղաքացուն հարվածելու համար այսօր են որոշել կալանավորել․ նախկին պատգամավորի ձերբակալման մասին

Այսօր առավոտյան տեղեկություն տարածվեց, որ կալանավորվել է ԲՀԿ-ական նախկին պատգամավոր Ջանիբեկ Հայրապետյանը։ Պատճառը, սակայն, հայտնի չէր։

Hraparak.am-ին որոշ մանրամասներ հայտնի դարձան, թե ինչու են կալանավորել նախկին պատգամավորին։ Պարզվում է՝ նա 2016 թվականին ինչ-որ կռվի մեջ է ընկել, որի շրջանակներում հարուցվել է քրեական գործ՝ քաղաքացուն հարվածելու և նրա աչքը վնասելու համար։ Եվ այսօր՝ դեպքից 5 տարի անց, դատարանը որոշում է կայացրել կալանավորել Հայրապետյանին։