Սյունիքի համայնքապետերին հերթով բաց են թողնում. Հրապարակ
Իշխանությունները ՏԻՄ ընտրություններից առաջ կեղծ քարոզչություն են իրականացնում Սյունիքի ընդդիմադիր համայնքապետերի կամ ըդդիմադիր թեկնածուների դեմ, որ հուսախաբ անեն իրենց պոտենցիալ ընտրողներին։ Մասնավորապես հիմնականում, կենտրոնացել են Գորիսի կալանավորված համայնքապետ Առուշ Առուշանյանի դեմ՝ կեղծ լուրեր տարածելով Գորիսում, թե նա, միևնույն է, եթե ընտրվի էլ, բանտից չի ազատվելու։ Այս մասին գրում է Hraparak.am-ը:
Բանն այն է, որ կալանավորված սյունեցին համայնքապետերը ժամանակավոր են անազատության մեջ և հերթով դուրս են գալիս կամ շուտով դուրս են գալու։ Օրինակ՝ երեկ կալանքից ազատվեց Սիսիանի արդեն նախկին քաղաքապետ Արթուր Սարգսյանը, որն «Հայաստան» դաշինքի կողմից ընտրված պատգամավոր է և շուտով կգնա ԱԺ՝ աշխատանքի։ Գորիսի փոխքաղաքապետ Մենուա Հովսեփյանն էլ 30 մլն դրամ գրավի դիմաց ազատ է արձակվել։ Իսկ ՏԻՄ ընտրությունների գլխավոր հերոսը՝ Առուշ Առուշանյանը, որի դեմ այդքան կենտրոնացել են այս իշխանությունները, մեր տեղեկություններով, նոյեմբերի 5-ին նախատեսված դատական նիստում կարող է ազատ արձակվել, քանի որ, ըստ փաստաբանի, Առուշանյանին կալանքի տակ պահելու հիմքեր չկան։
Մանրամասները՝ կայքում:
