Իրանի Զինված ուժերի ԳՇ պետը կմեկնի ՌԴ

Իրանի Զինված ուժերի Գլխավոր շտաբի պետ Մոհամմադ Բաքերին կայցելի Ռուսաստան: Այս մասին հայտարարել է Մոսկվայում Իրանի դեսպանատան ռազմական կցորդ Ռեզա Խոսրավի Մոկադդամը:

Նա ասել է, որ Իրանի ԶՈւ ԳՇ պետի բարձրաստիճան ռազմական պատվիրակությունը Ռուսաստան կմեկնի ՌԴ պաշտպանության նախարար Սերգեյ Շոյգուի հրավերով:

Բաքերին ռուս պաշտոնյաների հետ կքննարկի ռազմական ոլորտում երկրների համագործակցությունը, ահաբեկչության դեմ պայքարը, ինչպես նաև տարածաշրջանային և միջազգային հարցեր: