Պատրաստ ենք սերտորեն համագործակցել. Փաշինյանի ելույթը` Եվրասիական բարձրագույն տնտեսական խորհրդի նիստին
Հայաստանի վարչապետ Նիկոլ Փաշինյանը Եվրասիական բարձրագույն տնտեսական խորհրդի (SEEC) առցանց հանդիպման ժամանակ խոսեց ԵԱՏՄ ներքին շուկան արտաքին տնտեսական ճնշումներից պաշտպանելու անհրաժեշտության մասին:
«Այսօր Միության ներքին շուկան պաշտպանելու հարցն արդիական է հատկապես երրորդ կողմերի տնտեսական ճնշման հետևանքով առաջացող բացասական ազդեցությունների պարագայում», - ասաց Փաշինյանը:
Այս համատեքստում ՀՀ վարչապետը կարևորեց արագ արձագանքման միջոցառումների մշակումը ինչպես եվրասիական, այնպես էլ տարածաշրջանային ցանկացած այլ ինտեգրման օրակարգում:
«Հայաստանը պատրաստ է սերտորեն համագործակցել` այս հարցում ընդհանուր մոտեցման մշակման ուղիներ գտնելու համար՝ հաշվի առնելով ԵԱՏՄ անդամ երկրների փորձը», - նշեց ՀՀ վարչապետը:
