Ռուսաստանի և Իրանի ԱԳ նախարարները ինչ լուծում են տեսնում տարածաշրջանի խնդիրները լուծելու համար
Մոսկվայում Ռուսաստանի և Իրանի ԱԳ նախարարների բանակցություններում ի թիվս այլ հարցերի քննարկվել է «3+3» համագործակցության ձևաչափը: Այս մասին հայտնել Է ՌԴ ԱԳ նախարար Սերգեյ Լավրովը Իրանի իր պաշտոնակից Հոսեյն Ամիր Աբդոլլահիանի հետ համատեղ ճեպազրույցի ժամանակ։
Ինչ է «3+3 ձևաչափը»․ Նախաձեռնությունը ենթադրում է տարածաշրջանային փոխգործակցության մեխանիզմի ստեղծում Հայաստանի, Ադրբեջանի, Վրաստանի, Ռուսաստանի, Իրանի և Թուրքիայի մասնակցությամբ:
«Մենք այսօր քննարկել ենք «3+3» ձևաչափ ստեղծելու նախաձեռնությունը։ Իրանցի բարեկամները դրական վերաբերմունք ունեն, նույն վերաբերմունքը մենք տեսնում ենք Ադրբեջանում և Թուրքիայում, աշխատում ենք հայ գործընկերների հետ»։
Նրա խոսքով ՝ ռուսական կողմը հույս ունի, որ Վրաստանն էլ, չնայած իր բոլոր խնդիրներին, կկարողանա տեսնել իր արմատական հետաքրքրությունը նման մեխանիզմի ստեղծման հարցում:
