Գերմանիայի բնակիչներին ներարկվել է «Moderna»-ի ժամկետանց պատվաստանյութ. Bild

Գերմանիայի բնակիչներին ներարկվել է «Moderna»-ի ժամկետանց պատվաստանյութ: Ընդհանուր առմամբ, նման ներարկում է ստացել 840 մարդ, հայտնում է Bild-ը:

Ըստ նախնական տեղեկությունների՝ պատճառը դեղամիջոցի փաթեթավորման վրա սխալ մակնշումն է եղել: Նշված պահպանման ժամկետը ավելի երկար է եղել թույլատրելի սանիտարական չափանիշներից` երեք ամիս՝ 30 օրվա փոխարեն:

Միաժամանակ, տեղի բժիշկներն ասել են, որ անհանգստության պատճառ չեն տեսնում, քանի որ պատվաստանյութի պահպանման ռեժիմը չի խախտվել` այն «մշտապես պահվել է սառնարանում»: Բացի այդ, պատվաստումների կենտրոնի խոսնակը վստահեցրել է, որ չկան տվյալներ, որոնք կարող են վկայել, որ ավելի երկար պահեստավորումը ազդում է դեղամիջոցի արդյունավետության վրա: