Գառնիի հեթանոսական տաճարում անցկացված փակ միջոցառման կապակցությամբ բազմաթիվ բողոքներ են ստացվել. ՀՀ տուրիզմի կոմիտե

ՅՈւՆԵՍԿՕ-ի համաշխարհային ժառանգության ցանկում ներառված պատմամշակութային հուշարձանի տարածքում անցկացվում էր հարսանիք, հնչում էր ռաբիս երաժշտություն 

Գառնիի հեթանոսական տաճարում անցկացված փակ միջոցառման կապակցությամբ բազմաթիվ բողոքներ են ստացել։ 

Տեղեկությունը Facebook-ի պաշտոնական էջում հայտնել է ՀՀ տուրիզմի կոմիտեի մամուլի ծառայությունը։ Նշվում է, որ բողոքները ստացվել են ոլորտի ներկայացուցիչների կողմից։  

«Մենք հետամուտ ենք այս խնդրի շուրջ լայն քննարկումներ նախաձեռնել համապատասխան գերատեսչությունների մասնակցությամբ` պատմամշակութային և զբոսաշրջային նշանակության վայրերում միջոցառումների անցկացումը կանոնակարգելու համար»,- նշված է հաղորդագրության մեջ։ 

Ավելի վաղ տեսանյութ էր հրապարակվել, որում երևում էր Գառնիի հեթանոսական տաճարը, տեսանյութում լսվում էր նաև ռաբիս երաժշտություն։ 

Ավելի ուշ  «Պահպանության» ծառայություն ՊՈԱԿ-ը պարզաբանում էր տարածել, ըստ որի՝ Գառնիի հեթանոսական տաճարը երեկ փակ է եղել այցելուների համար, որովհետև այնտեղ փակ միջոցառում էր անցկացվում, ինչի թույլտվությունը նախապես ստացվել էր: Պարզաբանման մեջ նշվում է, որ ռաբիս երաժշտությունը հարակից տարածքի որեւէ օբյեկտից հնչող կատարում է եղել։