ԱՄՆ-ի «հիմնական» դիվանագիտական անձնակազմը դուրս է բերվել Աֆղանստանից

ԱՄՆ հակահրթիռային պաշտպանության համակարգը որսացել է երկուշաբթի վաղ առավոտյան Քաբուլի օդանավակայանի ուղղությամբ արձակված հրթիռները, երբ քաոսային դուրսբերման վերջին ժամերին Միացյալ Նահանգները Աֆղանստանից տարհանել է իր դիվանագետներին, հայտնել է Reuters-ը:

Մինչեւ երեքշաբթի ամերիկյան զորքերը պետք է դուրս բերվեն Քաբուլից: Երկու ամերիկացի պաշտոնյաներ հայտարարել են, որ «հիմնական» դիվանագիտական ​​անձնակազմը տարհանվել է երկուշաբթի առավոտյան: Նրանք չեն նշել՝ արդյո՞ք դեսպան Ռոսս Վիլսոնը նրանց թվում է եղել, քանի որ ակնկալվում է, որ դեսպան կլինի վերջինը, ով կլքի երկիրը՝ նախքան զորքերի դուրսբերումը:

Վերջին օրերին Վաշինգտոնը նախազգուշացրել էր ԻՊ-ի նոր հարձակումների մասին՝ անցյալ շաբաթ Քաբուլի օդանավակայանի մերձակայքում տեղի ունեցած ահաբեկչությունից հետո: ԱՄՆ-ը միաժամանակ երկու օդային հարված է հասցրել «Իսլամական պետության» թիրախներին՝ այդ թվում կիրակի օրը՝ կանխելով մեքենան պայթեցնել փորձող մահապարտին:

Ամերիկացի պաշտոնյաները հայտնել են, որ տարհանումը կշարունակվի երկուշաբթի, ընդ որում, առաջնահերթությունը տրվելու է բարձր ռիսկային խմբում գտնվող մարդկանց:

Երեքշաբթի ամերիկյան զորքերի դուրսբերումից հետո Քաբուլի օդանավակայանը կանցնի «Թալիբան»-ի լիակատար վերահսկողություն տակ, հայտնել է «Al Jazeera» հեռուստաալիքը՝ վկայակոչելով թալիբների անհայտ աղբյուրը