Սերգեյ Լավրովը Հունգարիայի ԱԳ նախարարի հետ կքննարկի Արցախի հարցը. Զախարովա

Բուդապեշտ կատարելիք այցի ընթացքում Ռուսաստանի արտգործնախարար Սերգեյ Լավրովն, ի թիվս այլ հարցերի, հունգարացի գործընկերոջ հետ կքննարկի Արցախի հիմնախնդիրը: Այսօր ճեպազրույցի ժամանակ այդ մասին հայտարարել է Ռուսաստանի ԱԳՆ պաշտոնական ներկայացուցիչ Մարիա Զախարովան:

«Նախատեսվում է կարծիքների փոխանակում միջազգային հարցերի շուրջ, այդ թվում՝ կորոնավիրուսային համաճարակի դեմ պայքարի, Եվրամիության և ՆԱՏՕ-ի հետ Ռուսաստանի հարաբերությունների, ինչպես նաև Ուկրաինայի և Արցախի վերաբերյալ:

Նախատեսված է, որ Լավրովը կխոսի միջազգային կազմակերպություններում Հունգարիայի դեսպանների հանդիպման մասնակիցների հետ»,- ասել է Զախարովան։