Արցախի ժողովուրդը ունեցել և ունենալու է իր սեփական զինված ուժերը. Արցախի նախագահի խոսնակ. «Փաստինֆո»

Արցախի ժողովուրդը ունեցել և ունենալու է իր սեփական զինված ուժերը, ինչը բխում է մեր իրավունքներից ու առկա մարտահրավերներից: Այս մասին «Փաստինֆո»-ի հարցին ի պատասխան ասել է Արցախի մամուլի խոսնակ Լուսինե Ավանեսյանը:

Նշենք, որ Ադրբեջանը պահանջում է դադարեցնել հայկական զինված ուժերի տեղակայումն Արցախում:

Արցախի նախագահի մամուլի խոսնակի պարզաբանումը՝ ստորև.

«Ադրբեջանի նպատակը եղել և մնում է Արցախի հայաթափումը: Պաշտպանության բանակը ստեղծվել և տարիներ շարունակ Ադրբեջանին զսպում էր այդ ճանապարհին և 44-օրյա պատերազմից հետո էլ, ինչպես Ադրբեջանի իշխանություններն են խոստովանում, հաջողությամբ է շարունակում իր առաքելությունը: Այլապես Ադրբեջանը եռակողմ հայտարարության սեփական ընկալումները չէր փորձի փաթաթել բոլորին: Պաշտպանվելու իրավունքը անկապտելի է, և Արցախի Հանրապետությունը իր գործողություններում ելնում է նաև այս սկզբունքից: Արցախի ժողովուրդը ունեցել և ունենալու է իր սեփական զինված ուժերը, ինչը բխում է մեր իրավունքներից ու առկա մարտահրավերներից»: