«Պարոն Ալեքսանյանի թե՛ արտաքին տեսքը, թե՛ քաղաքական հետագիծը հուշում է, որ իր սկզբունքներից է՝ որտեղ հաց, այնտեղ կաց». Հայկ Մամիջանյան

«Ես չեմ սիրում անդրադառնալ մարդկանց ֆիզիոլոգիական այս կամ այն տվյալին, որովհետև բոլորս էլ թերություններ ունենք, բայց հաշվի առնելով պարոն Ալեքսանյանի քաղաքական հետագիծը, ոնց որ թե պարոն Ալեքսանյանի թե՛ արտաքին տեսքը, թե՛ քաղաքական հետագիծը հուշում է, որ իր սկզբունքներից է՝ որտեղ հաց, այնտեղ կաց սկզբունքը»,- ԱԺ իր ելույթում, անդրադառնալով ՔՊ-ական Վահագն Ալեքսանյանի հայտարարություններին, ասաց «Հայաստան» խմբակցության պատգամավոր Հայկ Մամիջանյանը:

ԱԺ նախագահ Ալեն Սիմոնյանն ընդհատեց նրան՝ կարծիք հայտնելով, որ Մամիջանյանի համեմատականներն անտեղի են և ոչ կոռեկտ. «Եթե սկսենք քննարկել թե ում արտաքինն ինչ է հուշում, կարող է շատ վատ տեղ գնանք»,- ասաց Սիմոնյանը: