Ոստիկանությունն ուժեր է կենտրոնացրել Ազգային ժողովի մոտակայքում

Ոստիկանությունն ուժեր է կենտրոնացրել Ազգային ժողովի մոտակայքում: Ազգային ժողովին հարակից Դեմիրճյան փողոցի երկայնքով ավտոբուսներ են կանգնած, որտեղ ոստիկանության աշխատակիցներ են գտնվում:

Նշենք, որ այսօր՝ օգոստոսի 2-ին մեկնարկում է նորընտիր, 8-րդ գումարման Ազգային ժողովի առաջին նստաշրջանը: Նոր խորհրդարանում կա 107 պատգամավոր եւ երեք խմբակցություն: ՔՊ-ն ունի 71 պատգամավոր, «Հայաստան» դաշինքը՝ 29 եւ «Պատիվ ունեմ» դաշինքը 7 պատգամավոր: