Այսօր կգումարվի նորընտիր խորհրդարանի առաջին նիստը. ինչ է սպասվում
Ազգային ժողովի արտահերթ ընտրություններից հետո այսօր տեղի կունենա նորընտիր խորհրդարանի առաջին նիստը, որն էլ, Սահմանադրության համաձայն, կդառնա գործող խորհրդարանի լիազորությունների ավարտը:
ԱԺ առաջին նիստը կսկսվի ժամը 10.00-ին: Առաջին նստաշրջանի նիստերը կբացի և մինչև Ազգային ժողովի նախագահի ընտրվելը կնախագահի տարիքով ավագ պատգամավորը՝ «Քաղաքացիական պայմանագիր» կուսակցության ներկայացուցիչ 76-ամյա Կնյազ Հասանովը:
Առաջին նստաշրջանի բացման առթիվ ողջույնի ելույթի իրավունք ունեն Հանրապետության նախագահը և Ամենայն Հայոց Կաթողիկոսը: Ողջույնի ելույթներից հետո պատգամավորները կերդվեն։
