ԱԳՆ-ն պարզաբանել է, թե մոսկովյան ինչ բանակցությունների մասին էր խոսվում ՀՀ ՊՆ նախօրեին տարածված հաղորդագրության մեջ. ArmDaily

Երեկ բախումների մասին ՊՆ հաղոդագրություններից մեկում հաղորդվում էր, որ հակառակորդը Ռուսաստանի Դաշնության մայրաքաղաք Մոսկվայում նախատեսվող բանակցություններից առաջ նախահարձակ մարտական գործողություններ է սկսել ՀՀ սահմաններին։ Թե հատկապես ինչ բանակցություններ են նախատեսվում Մոսկվայում, որոնք այնքան կարևոր էին, որ դրանց նախորդել էին 44-օրյա պատերազմից հետո աննախադեպ ծավալ ունեցող բախումները Գեղարքունիքում՝ ոչ դրանից առաջ, ոչ էլ հաջորդիվ չպարզաբանվեց։ ArmDaily.am-ը մոսկովյան բանակցությունների վերաբերյալ պարզաբանում ստանալու նպատակով դիմել էր ՀՀ արտգործնախարարություն, մեզ առաջարկել էին գրավոր հարցում ուղարկել։ Լրատվականը հրապարակել է ԱԳՆ-ի Լրատվամիջողների հետ կապի և հանրային դիվանագիության վարչության պետ Սերոբ Բեջանյանից ստացված  հարցման պատասանը։

Ըստ այդմ՝ Մոսկվայում հայկական կողմի ներկայացուցիչներն աշխատանքային բնույթի հերթական հանդիպումները և քննարկումներն են ունեցել ՌԴ իրավասու գերատեսչությունների իրենց գործընկերների հետ։ «Հայտնում ենք նաև, որ հայկական և ռուսական կողմերի միջև տարբեր մակարդակներով հանդիպումները և քննարկումները կրում են պարբերական բնույթ և պայմանավորված են տարբեր ուղղություններով երկկողմ օրակարգերի հագեցվածությամբ»։