Սալոնիկում այրել են ամերիկյան դրոշը՝ Կուբայի ներքին գործերին ԱՄՆ-ի միջամտության պատճառով
Սալոնիկում ընդդեմ Կուբայի ներքին գործերին ԱՄՆ-ի միջամտության բողոքի ցույց է անցկացվել, որի ընթացքում ամերիկյան դրոշ են այրել: Այս մասին հայտնում է Sputnik Հունաստանը:
Ավելի վաղ ԱՄՆ նախագահ Ջո Բայդենը հայտարարել էր, որ Միացյալ Նահանգները պատրաստ է օգնություն տրամադրել «Կուբայի ժողովրդին», եթե երկրի կառավարությունը դա չանի:
Անցյալ շաբաթ Կուբայում տեղի ունեցան երկար տարիների ընթացքում առաջին խոշոր բողոքի ցույցերը: Ցուցարարները պահանջում էին ազատ ընտրություններ անցկացնել և լուծել իրենց սոցիալական խնդիրները: Սակայն Կուբայի իշխանությունները պնդում են, որ բողոքի ցույցերի հետեւում կանգնած է Վաշինգտոնը: Սպիտակ տունը այս տեղեկությունը համարում է «լուրջ սխալ»:
ԱՄՆ դրոշն այրելիս ցուցարարները գոչում էին՝ «Սպառնալիքները չեն կոտրի Ֆիդելի երկիրը: Ձեռքերդ հեռու կոմունիստներից»:
