Նոր միջադեպ է արձանագրվել հայ-ադրբեջանական սահմանին
Միջադեպ է արձանագրվել հայ-ադրբեջանական սահմանի Գեղարքունիքի մարզի Կութ գյուղի, ադրբեջանական կողմից՝ գրավյալ Քարվաճառի /Քելբաջարի/ շրջանի Յուխար Այրըմ գյուղի հարակից տեղամասում։ Գրում է Հրապարակը։
Ըստ ադրբեջանական կողմի հայտնած տեղեկությունների, տեղի է ունեցել փոխհրաձգություն։ Ադրբեջանական կողմը հայտնում է, որ մարդկային ուժի կորուստներ չունի։ ՀՀ ՊՆ-ն այս միջադեպի առնչությամբ դեռ հայտարարությամբ հանդես չի եկել։
