Ունենք 3 վիրավոր, որոնցից երկուսը՝ պայմանագրային, մեկը՝ ժամկետային․ Պն-ն նոր մանրամասներ է հայտնում վիրավորների մասին
Ինչպես արդեն հայտնել ենք՝ ադրբեջանցիներն ինտենսիվ կրակ են բացել Գեղարքունիքի մարզի Կութ գյուղի հայկական դիրքերի ուղղությամբ։ Գեղամասարի գյուղապետ Հակոբ Ավետյանի խոսքով՝ ներկա պահին կրակոցները շարունակվում են։ Դիրքեր է բարձրացել շտապօգնության մեքենա։
Auroranews-ի հետ զրույցում ՊՆ-ից հայտնեցին, որ Գեղարքունիքի ուղղությամբ անկանոն կրակոցները դեռ շարունակվում են, բայց ոչ ինտենսիվ։ Վիրավորների վերաբերյալ էլ հստակեցրինք՝ ունենք 3 վիրավոր, որոնցից երկուսը՝ պայմանագրային, մեկը՝ ժամկետային։ Երեքի վիրավորումն էլ ստորին վերջույթների շրջանում են, ոչ ոքի կյանքին վտանգ չի սպառնում։
