Amazon Prime-ը սխալմամբ ցուցադրել է «Ռիք եւ Մորտի» մուլտսերիալի նոր սերիան, որի պրեմիերան նախատեսված էր օգոստոսին

«Amazon Prime» սթրիմինգային ծառայության կանադական ստորաբաժանումը սխալմամբ ժամանակից շուտ հանդիսատեսին ցուցադրել է «Ռիք եւ Մորտի» մուլտսերիալի հինգերորդ եթերաշրջանի յոթերորդ էպիզոդը, հայտնում են Comic Book-ը եւ Know Your Meme-ը։ 

«Gotron Jerrysis Rickvangelion» անունով սերիան Amazon Prime-ի կանադացի հանդիսատեսին ցուցադրել է շոուի չորրորդ էպիզոդի փոխարեն։ Սխալմունքն արագորեն հայտնաբերել են եւ հեռացրել, սակայն յոթերորդ մասը մինչ այժմ հնարավոր է գտնել համացանցում։ Պաշտոնական պրեմիերան նախատեսված է օգոստոսի 1-ին։ 
Ըստ սպասվող էպիզոդի սյուժեի՝ Ռիքը պատրաստվում է Մորտիի եւ Սամերի հետ արկածների համար ճամփորդության մեկնել։ Սակայն պապիկը գտնում է մեխանիկական կզաքիսին ու փոխում իր ծրագրերը։ 
«Ռիքի եւ Մորտիի» առաջին եթերաշրջանի պրեմիերան տեղի է ունեցել 2021թ․-ի հունիսի 20-ին։ Եթերաշրջանը բաղկացած կլինի ինն էպիզոդից եւ վերջինը չի լինի։