Հովիկ Աղազարյանը՝ որդու Աջափնյակի փոխթաղապետ նշանակվելու փաստի մասին
Չգիտեմ՝ հրամանը եղել է, թե ոչ, բայց առաջարկ ստացել է։ Այս մասին Tert.am-ի հետ զրույցում ասաց «Իմ քայլը» խմբակցության պատգամավոր Հովիկ Աղազարյանը՝ անդրադառնալով իր որդու՝ Հովսեփ Աղազարյանի՝Աջափնյակի փոխթաղապետ նշանակվելուն։
Ինչ վերաբերում է կոռուպցիոն ռիսկերին, ապա նա նշեց, որ ամեն ինչ պետք է նայել ժամանակի և բովանդակության մեջ։
«Նա 30 տարեկան է, աշխատել է թաղապետարանի իրավաբանական բաժնում։ Ժամանակի ընթացքում պետք է նայեք, ես երեք տղա ունեմ, նրանք չպե՞տք է աշխատեն»,-ասաց նա:
Հարցին, թե իր գործոնը որքանով է նպաստել այդ առաջարկը ստանալուն, նա ասաց․ «Իմ գործոնը տասը տոկոսից ավելի չի եղել, քանի որ ինքը թիմի կայացած անդամներից է, բոլորը իրեն ճանաչում են և գիտեն իր հնարավորությունները»։
