ՏԵՍԱՆՅՈՒԹ. «Իմ հեռախոսում կա մի փաստաթուղթ, որը խոսում է սրանց շանտղության մասին». անհետ կորածների թիվը 1064 է

Հ երրորդ նախագահ Սերժ Սարգսյանն այսօր «Պատիվ ունեմ» դաշինքի աջակիցների հետ հանդիպման անդրադարձավ հարցին՝ տեղյա՞կ է, թե քանի գերի, զոհ ու անհետ կորած ունենք 44-օրյա պատերազմի հետևանքով: 

«Մեր գերիների ու զոհերի  թվի մասին հստակ տեղեկություն, ցավոք, չունեմ: Ռազմական գործողությունների ավարտից 8 ամիս անց տեղյակ չենք գերիների ու զոհերի թվի մասին: Չիմանալուց բացի, սրանք ամեն ինչ կեղծում են. զոհվածների մասին ԱՆ-ն մի թիվ էր ասում, վարչապետ կոչեցյալը՝ մի»,- նշեց նա: 

Սարգսյանը հայտնեց՝ Զինծառայողների ապահովագրության հիմնադրամի կողմից դեռ ապրիլին Կառավարությանը զեկուցվել է՝ անհետ կորածների թիվը 1064 է: 

«Էս ստահակը հայտարարում է 321. սրան ի՞նչ ասես: Զոհվածների մասին խոսում է պլյուս-մինուսով. բա դա ստորություն չի՞»,- ասաց Սարգսյանը:  

Ելույթից քիչ անց հրապարակվեց փաստաթուղթ, որի մասին հանդիպման ժամանակ խոսում էր Սերժ Սարգսյանը:

[bdc1ba424367642e1b023023b8c4f9ed.jpg]

[43859cabcfa2ebe07e3015a46921005e.jpg]