41–ամյա վարորդը ВАЗ 21703-ով բախվել է հողաթմբերին և մի քանի պտույտ շրջվելով՝ կողաշրջվել
Այսօր՝ հունիսի 16-ին, խոշոր ավտովթար է տեղի ունեցել Գեղարքունիքի մարզում: Ժամը 15:50-ի սահմաններում Երանոս գյուղի բնակիչ, 41-ամյա Նորայր Սիրեկանյանը Վազ 21703 մակնիշի ռուսական համարանիշներով ավտոմեքենայով Մարտունի-Գավառ ավտոճանապարհի 12-րդ կմ հատվածում Երանոս գյուղի մուտքի դիմաց դեռևս անհայտ հանգամանքերում դուրս է եկել ճանապարհի երթևեկելի գոտուց, բախվել հողաթմբերին, մի քանի պտույտ շրջվել ու կողաշրջվել:
Ինչպես հայտնում է shamshyan.com-ը, ըստ նախնական տեղեկությունների՝ վթարի հետևանքով, բարեբախտաբար, տուժածներ չկան: Օպերատիվորեն ժամանել է Մարտունու հիվանդանոցի բժիշկների հերթապահ խումբը, ովքեր վարորդին տեղում բուժօգնություն են ցուցաբերել, սակայն վերջինս հրաժարվել է հիվանդանոց մեկնելուց, հայտնելով, որ իրեն լավ է զգում: Փրկարարները հոսանքազրկել են են ավտոմեքենան, փակել գազաբալոնն ու սահմանազատել տարածքը: