Պուտինն ասել է, որ կկարոտի Մերկելին
Ռուսաստանի նախագահ Վլադիմիր Պուտինը խոսել է Գերմանիայի կանցլեր Անգելա Մերկելի հետ լավ գործընկերային հարաբերությունների մասին՝ ասելով, որ կկարոտի նրան:
«Ես չգիտեմ, թե ով կլինի նրա փոխարեն: Մենք իսկապես գործընկերային հարաբերություններ ունենք Անժելայի հետ, և ես շատ բարձր եմ գնահատում նրան»,- ասել է Պուտինը Սանկտ Պետերբուրգի միջազգային տնտեսական ֆորումի շրջանակներում անցկացվող միջազգային լրատվական գործակալությունների ղեկավարների հետ հանդիպմանը:
Պուտինը նաև նշել է, որ Մերկելը փորձառու քաղաքական գործիչ է, անմիջական ու հուսալի անձնավորություն, որը գիտի, թե ինչպես հետևողականորեն ապացուցել իր դիրքորոշումը:
Ռուսաստանի ղեկավարը հույս է հայտնել, որ Գերմանիայի ապագա ղեկավարության հետ հարաբերությունները նույնքան կայուն կլինեն:
