Արտաշատում հարձակվել են մասնագիտական գործն անող լրագրողների վրա, էս ֆոնին քարոզարշավի ժամանակ պետք է պատրաստ լինենք վատթարագույն սցենարների․ Նաիրա Զոհրաբյան

ԱԺ պատգամավոր Նաիրա Զոհրաբյանը ֆեյսբուքյան իր էջում գրառում է արել՝ անդրադառնալով երեկ Արտաշատում լրագրողների մասնակցությամբ միջադեպին, որի ընթացքում ապտակել էին լրագրող Անի Գևորգյանին։

«Երեկ Արտաշատում մի խումբ ագրեսիվ անձինք հարձակվել են ընդամենը իր մասնագիտական գործն անող լրագրողների վրա, սպառնացել, քաշքշել, հեռախոսը լրագրողի ձեռքից առեւանգել։

Իսկ «պալասատի» խալաթով մի կին ապտակել է «Tert»-ի լրագրող Անի Գեւորգյանին։

Հիշեցնեմ, որ քարոզարշավը դեռ չի մեկնարկել։

Զգուշացնեմ, որ էս ֆոնին պաշտոնական քարոզարշավի ժամանակ պատրաստ լինենք վատթարագույն սցենարների»։