ՏԵՍԱՆՅՈՒԹ․ Լկտի սուտ է, անկնհայտ սադրանք, ես կոչ եմ անում դիմել ոստիկանություն, եթե ընտրակաշառք են բաժանում ․ Աբովյանը՝ «ԲՀԿ»-ի անունից տարածվող տեսանյութի մասին
Լկտի սուտ է, անկնհայտ սադրանք է։ Ես կոչ եմ անում դիմել ոստիկանություն, իրավապահ մարմիններին, եթե ընտրակաշառք են բաժանում։ Այս մասին Auroranews -ի հետ զրույցում ասաց «Բարգավաճ Հայաստան» խմբակցության պատգամավոր Արման Աբովյանը՝ անդրառանալով համացանցում տարածվող տեսանյութին, որում ներկայացված է, թե «Բարգավաճ Հայաստան» կուսակցության կողմից ընտրակաշառք է բաժանվում։
Մեր հարցին՝ հնարավո՞ր է, որ խմբակցության անունից մոտենան և հարցումներ անցկացնեն քաղաքացիների ապրելակերպի վերաբերյալ՝ Աբովյանն ասաց․
«Հնարավոր է մեր համակիրները խնդիրների վերաբերյալ հարցնեն քաղաքացիներից, բայց այն ինչ դուք ասում եք ուղղակի զավեշտ է։ Ճարահատյալ քայլերի են դիմում, կեղծ է և աղերս չունի մեզ հետ»,-ասաց պատգամավորը։
Պատգամավորը կոչ արեց քաղաքացիներին՝ հորդորելով իրենց ընտրակաշառք առաջարկելու դեպքում անկախ նրանից, թե ում անունից է առաջարկվում, դիմել ոստիկանություն։
Պատգամավորը իր խոսքում հիշեցրեց՝ կուսակցությունը նախընտրական ծրագրում հայտնել է, որ իրենց իշխանություն գալու դեպքում մինչև 3 միլիոն դրամ վարկերը զրոյացվում են։
«Պարոն Ծառուկյանը, ես, մենք բոլորս մեր ելույթներում անդրադարձել ենք այդ դրույթներին»,-ասաց Աբովյանը։
Հիշեցնենք, որ համացանցում տարածվել է տեսանյութ, որում ներկայացվում է, թե ինչպես են երկու կանայք թակում բազմաբնակարան շենքի դռները և հարցնում քաղաքացիներին խնդիրների մասին, խոսքում արտաբարելով «ԲՀԿ»-ի անունը։
