Վլադիմիր Պուտինի և Ալեքսանդր Լուկաշենկոյի զբոսանքը Սոչիում
Սոչիում հանդիպել են Ռուսաստանի նախագահ Վլադիմիր Պուտինը և նրա բելառուս գործընկեր Ալեքսանդր Լուկաշենկոն: Ռուսաստանի նախագահի մամուլի քարտուղար Դմիտրի Պեսկովը ավելի վաղ հայտնել էր, որ «երկու երկրի ղեկավարները նախ կզրուցեն, հետո նրանց շփումը կշարունակվի աշխատանքային ճաշի սեղանի շուրջ»: Պեսկովը նաև նշել է, որ երկու նախագահների հանդիպումից հետո մամուլի հայտարարություններ չեն նախատեսվում:
Պեսկովը լրագրողների հետ հարցազրույցում պարզաբանել է, որ առաջնորդները չեն անտեսի Ryanair ինքնաթիռի հետ տեղի ունեցած միջադեպը: Ըստ Կրեմլի խոսնակի՝ Լուկաշենկոն հնարավորություն կունենա Ռուսաստանի պետության ղեկավարին մանրամասն տեղեկացնել ինքնաթիռի հետ կատարվածի հանգամանքների և պատճառների մասին:
Հրապարակվել են նաեւ Սոչիում Պուտինի և Լուկաշենկոյի բանակցությունների արդյունքները.
Պայմանավորվածություն է ձեռք բերվել Բելառուսին՝ Ռուսաստանի Դաշնությունից 500 միլիոն ԱՄՆ դոլարի պետական վարկի երկրորդ տրանշի մասին, միջոցները կստանան առաջիկայում
Պուտինը հանձնարարել է Ռուսաստանի արտգործնախարարությանը ուշադիր հետևել Մինսկում ձերբակալված Սապեգայի ճակատագրին
Նախագահները քննարկել են առևտրատնտեսական հարաբերությունների զարգացումը և կորոնավիրուսի համաճարակի դեմ պայքարը
Պուտինի և Լուկաշենկոյի հանդիպմանը չի շոշափվել Ռուսաստանի և Բելառուսի միջեւ մեկ արժույթի անցման թեման: Նույնը վերաբերում է Մինսկին լրացուցիչ տնտեսական օգնության թեմային:
