ՀՀ քաղաքացին քաղաքացիական վրեժ կլուծի 1996 թվականից հետո իր խոսքով կեղծված բոլոր ընտրություններում իր ձայնը խլելու համար. Նիկոլ Փաշինյան
Հայ-ադրբեջանական սահմանին իրավիճակը պայթյունավտանգ է, Հայաստանը` պատերազմի սպառնալիքի տակ, վարչապետի պաշտոնակատար Փաշինյանը նախընտրական պայքարից հետ չի մնում։ Այսօր նա Քաղպայմանագրի Ապարանի գրասենյակում է: Իր ելույթում Փաշինյանը նշեց, որ այս ընտրությունները լավ հնարավորություն է, որ ՀՀ քաղաքացին քաղաքացիական վրեժ լուծի 1996 թվականից հետո իր խոսքով կեղծված բոլոր ընտրություններում իր ձայնը խլելու համար:
«Ըստ էության իր ձայնը խլած բոլոր ղեկավարները մասնակցում են այս ընտրություններին, բոլոր ղեկավարները՝ երկուսը ուղղակի, մեկն անուղղակի: Եւ ընդհակառակը՝ անհրաժեշտ է, որ ՀՀ քաղաքացին վերահաստատի իր իշխանությունը, որպեսզի ստանանք կայուն իրավիճակ, անհրաժեշտ է, որ Քաղաքացիական պայմանագիրը ստանա 60 տոկոս»,- ասաց Նիկոլ Փաշինյանը:
