Մենք պատրաստ ենք ցանկացած պահի սկսել զորքերի հետքաշման գործընթացը. Փաշինյան

Նիկոլ Փաշինյանն այցելել է Քաղաքացիական պայմանագիր կուսակցության՝ Նորք Մարաշի գրասենյակ և  հանդիպում ունեցել համակիրների հետ։ 

Հանդիպման ժամանակ Նիկոլ Փաշինյանն անդրադարձավ հայ-ադրբեջանական սահմանին տիրող իրավիճակին. «ԵԱՀԿ ՄԽ երեկվա հայտարարությունը ողջունում եմ: Ներկայացված քայլերի տրամաբանությունը սկզբունքորեն ընդունելի է մեզ համար: 
ՄԽ համանախագահները կոչ են արել անհետաձգելի քայլեր ձեռնարկել՝ սահմանային լարվածությունը նվազեցնելու համար: Ըստ էության, առաջարկվել է, որ կողմերը զորքերը հետ քաշեն ու համանախագահության աջակցությամբ իրականացվի սահմանային կետերի ճշգրտման աշխատանք: 
Մենք պատրաստ ենք ցանկացած պահի սկսել զորքերի հետքաշման գործընթացը, սպասում ենք, որ համանախագահները համապատասխան պայմանավորվածություն ձեռք բերեն Ադրբեջանի հետ: Խոսքը՝ Սոքթ-Խոզնավար հատվածի մասին է»,- ասաց Նիկոլ Փաշինյանը: