ՏԵՍԱՆՅՈՒԹ. Կումայրիի ոստիկանները թոշակառուի տանը թմրանյութ են հայտնաբերել

Մայիսի 21-ին ոստիկանության Գյումրի քաղաքի Կումայրիի բաժնի համայնքային ոստիկանները տեղեկություններ էին ստացել, որ 67-ամյա տղամարդը իր տանն ապօրինի պահում և օգտագործում է մարիխուանա:

Ոստիկանությունից հայտնում են, որ քրեական հետախույզները թոշակառուի տան զննությամբ խոհանոցում հայտնաբերել են ապակյա տարա՝ դեղնականաչավուն, չորացված, մանրացված զանգվածով:

Տղամարդը հայտնել է, որ հայտնաբերվածը կանեփի բույսի զանգված է, քաղել է Նորավան թաղամասի կամրջի մոտակայքից, չորացրել և պահել է իր օգտագործման համար:

Նշանակվել է դատաքիմիական փորձաքննություն:

Դեպքի հանգամանքները պարզվում են:

Քաղաքականություն

Պատահարներ