Ռուս սակրավորներն Արցախում ավելի քան 2121 հա տարածք են ականազերծել

Մարդասիրական ականազերծման կենտրոնի ինժեներասակրավորական խմբերը մեկ օրվա ընթացքում Արցախում 12 շենք են ստուգել, մաքրել 6 հա տարածք, 1 կմ ճանապարհ, հայտնաբերել 2 պայթյունավտանգ առարկա։ Տեղեկությունը հայտնում է ՌԴ ՊՆ մամուլի ծառայությունը։

«2020 թվականի նոյեմբերի 23-ից չպայթած ռազմամթերքից ընդհանուր առմամբ մաքրվել է 2 121 հա տարածք, 657,3 կմ ճանապարհ, 1 844 շենք (այդ թվում սոցիալական նշանակություն ունեցող 30 օբյեկտ), հայտնաբերվել ու  վնասազերծվել է 25 613 պայթյունավտանգ առարկա», – ասվում է հաղորդագրության մեջ։

Նշվում է, որ հրադադարի ռեժիմը պահպանվում է շփման գծի ողջ երկայնքով։