Իմքայլական պատգամավորն ասաց, թե ովքեր են ադրբեջանցիների հետ բանակցում հայկական կողմից
Բանակցությունները շարունակվում են, հուսով ենք, որ գործընթացը կավարտվի հայկական կողմի պահանջի անխտիր կատարմամբ: Այս մասին լրագրողների հետ զրույցում հայտարարել է իմքայլական պատգամավոր Արմեն Խաչատրյանը:
Հարցին, թե ովքեր են բանակցվում հայկական կողմից, պատգամավորն ասել է՝ ՀՀ ՊՆ ԳՇ պետի տեղակալ, կորպուսի հրամանատարներ, ռուսական կողմից ներկայացուցիչ ու ադրբեջանական կողմից:
Խաչատրյանը չի կարող ասել ռուսական կողմից որ ծառայությունն է՝ խաղաղապահները, թե սահմանապահները:
Նա նաև ասաց, որ բանակցությունները ոչ միայն Սև լճի վերաբերյալ են, վերաբերում են այն բոլոր վայրերին, որտեղ ադրբեջանական զինուժի ներկայացուցիչները մուտք են գործել ՀՀ պետական տարածք:
