Ադրբեջանի պետական սահմանային ծառայությունը` հայ-ադրբեջանական սահմանին տեղի ունեցած վերջին իրադարձությունների մասին
Ադրբեջանի պետական սահմանային ծառայությունը մեկնաբանել է հայ-ադրբեջանական սահմանին տեղի ունեցած վերջին իրադարձությունները:
Apa.az-ը փոխանցում է, որ «Ադրբեջանի տարածքային ամբողջականության վերականգնումից հետո Հայաստանի հետ պետական սահմանին շարունակում են ստեղծվել սահմանների պաշտպանության և անվտանգության համար անհրաժեշտ ենթակառուցվածքներ»:
«Վերջերս արտաքին գործերի նախարարությունը հրապարակել է պաշտոնական դիրքորոշում այս ուղղությամբ տեղի ունեցող իրադարձությունների վերաբերյալ: Այժմ քննարկումներ են ընթանում Ադրբեջանի և Հայաստանի պետական սահմանային ծառայությունների ներկայացուցիչների մասնակցությամբ»,- ասվում է Ադրբեջանի պետական սահմանային ծառայության հաղորդագրության մեջ:
Հիշեցնենք՝ ադրբեջանական ԶՈՒ-երը փորձել են դիրքային առաջխաղացում ապահովել Վարդենիսի և Սիսիանի սահմանային հատվածներում:
