Հրաչյա Հակոբյանի հայտարարության մասով դիմել եմ Ազգային Ժողովի խմբակցություններին. պատգամավոր
Անկախ պատգամավոր Աննա Գրիգորյանն այսօր լրագրողների հետ ճեպազրույցի ժամանակ ասաց, որ Հրաչյա Հակոբյանի՝ սյունեցիների վերաբերյալ արված հայտարարության մասով դիմել են Ազգային Ժողովի խմբակցություններին՝ստեղծել էթիկայի հանձնաժողով։
Նա հիշեցրեց, որ Նաիրա Զոհաբյանին «ժեխ» բառի համար հեռացրեցին հանձնաժողովի նախագահի պաշտոնից։ Նա տեղեկացրեց նաև, որ այսօր խոսելու է խմբակցությունների ներկայացուցիչների հետ՝ հասկանալու համար, թե իրենց դիմումին ընթացք տրվելու է, թե ոչ։
Անդրադառնալով Ազգային ժողովում Վահագն Ալեքսանյանի կողմից հնչեցված հայտարարությանն այն մասին, որ կազմակերպված ցույցերի հետևում Ռոբերտ Քոչարյանի աջակիցներն էին, Աննա Գրիգորյանը նշեց, որ անձամբ է այդ մարդկանց խնդիրներին ծանոթ ու հորդորեց այդ պատգամավորին նույն բանը գնալ ու ասել Սյունիքի ցանկացած բնակավայրում։
Նա նշեց, որ Նիկոլ Փաշինյանն այդպես էլ չանդրադարձավ Սյունիքի անվտանգային խնդիրներին ու չի կարող ասել՝ արդյո՞ք քարոզարշավի շրջանակներում Փաշինյանը կայցելի Սյունիք, թե ոչ։
