Կաթողիկոսը չպատասխանեց հարցին, թե ինչու վարչապետի հետ չի այցելել Ծիծեռնակաբերդ
Ասօր՝ վաղ առավոտյան, Ծիծեռնակաբերդի հուշահամալիր այցելեցին վարչապետ Նիկոլ Փաշինյանը, նախագահ Արմեն Սարգսյանը, ԱԺ նախագահ Արարատ Միրզոյանը։
Ավելի ուշ հուշահամալիր այցելեց Ամենայն Հայոց կաթողիկոս Գարեգին Բ-ն։ Հարցին, թե ինչու վերջինը պետական այրերի հետ չի եկել, Վեհափառը հրաժարվեց պատասխանել։
Այսօր որեւէ մեկնաբանություն չի լինելու, Վեհափառ հայրապետի ուղերձում ամեն ինչ ասված է: Այս մասին Ծիծեռնակաբերդի հուշահամալիրում լրագրողներին ասաց Մայր Աթոռ սուրբ Էջմիածնի տեղեկատվական համակարգի ղեկավար Տեր Վահրամ քահանա Մելիքյանը: Լրագրողները մասնավորապես, հարցրեցին, թե ինչու կաթողիկոսը պետական այրերի հետ չի եկել Ծիծեռնակաբերդի հուշահամալիր, նաեւ հարցին, թե շարունակո՞ւմ է արդյոք պահանջել վարչապետի հրաժարականը: Այս հարցերը մնացին անպատասխան:
Տեսանյութը՝ News.am
