ԶՈՒ ԳՇ նախկին պետ Մովսես Հակոբյանը «5-րդ ալիքի» եթերում անդրադարձել է Շուշիի վերաբերյալ Արցախի ԱԽ նախկին քարտուղար Սամվել Բաբայանի հնչեցրած վերջին մտքերին՝ մասնավորապես ասելով․ «Սամվել Բաբայանը, որ ասում է՝ ես դեմ էի համալրման պրոցեսին, ինքը այլ առաջարկություն է արել և Արցախի անվտանգության խորհրդում դա չի անցել՝ շատ ճիշտ է արվել, որ չի անցել, բայց ուզում եմ ասել՝ Սամվել Բաբայանը, բոլոր դեպքերում, պատերազմի ժամանակ հասցրել է իր ցանկությունն իրականություն դարձնել և թիկունքում ձևավորել է այդպիսի ստորաբաժանում, մի քանի հատ, ընդ որում, այդ զինվորներին հանելով առաջնագծից»։ «Եթե առիթ ունենաք, հարց կտաք՝ քանի՞ փամփուշտ են կրակել այդ ստորաբաժանումները և որտե՞ղ են խնդիր կատարել։ Բայց ես կարամ փաստեմ, որ մեծ վնաս են հացրել առաջին գծի ստորաբաժանումներին»,- ասել է Հակոբյանը։ Ճշտող հարցին, թե ի՞նչ խնդիր են իրականացրել Սամվել Բաբայանի ձևավորած ստորաբաժանումները, Մովսես Բաբայանն ասել է․ «Քանի որ միշտ դեմ եմ եղել այդ ստորաբաժանմանը, չեմ կարող ասել ինչ խնդիր է կատարել․ փորձել են Շուշիի այդ օպերացիայի ժամանակ կիրառել և հրաժարվել են կատարել»։