Մոսկվայում ԱՄՆ դեսպանը կմեկնի Վաշինգտոն` խորհրդակցությունների
Մոսկվայում ԱՄՆ դեսպան Ջոն Սալիվանը ՏԱՍՍ-ի հետ զրույցում հայտնել է, որ մեկնում է Վաշինգտոն ՝ խորհրդակցությունների համար: Նա նաև նշել է, որ առաջիկա շաբաթներին վերադառնալու է Մոսկվա:
«Կարծում եմ, որ ինձ համար կարևոր է Վաշինգտոնում` նախագահ Բայդենի վարչակազմի իմ նոր գործընկերների հետ խոսել ԱՄՆ-ի և Ռուսաստանի միջև երկկողմ հարաբերությունների ներկա վիճակի մասին: Ես կվերադառնամ Մոսկվա առաջիկա շաբաթներում` նախքան ՌԴ նախագահ Վլադիմիր Պուտինի և ԱՄՆ նախագահ Ջո Բայդենի հանդիպումը »,- ասել է դեսպանը:
Ինչպես քիչ առաջ հայտնել էինք, ըստ մամուլում շրջանառվող տեղեկությունների, դեսպան Սալիվանը հրաժարվել էր մեկնել Վաշինգտոն:
