Մոսկվան մի շարք մայրաքաղաքների կոչ է անում հանդարտվել եւ հրաժարվել հակառուսական փսիխոզից. Պեսկով

Պեսկով. Մոսկվան մի շարք մայրաքաղաքների կոչ է անում հանդարտվել եւ հրաժարվել հակառուսական փսիխոզից: Այս մասին լրագրողներին հայտնել է ՌԴ նախագահի մամուլի խոսնակ Դմիտրի Պեսկովը, հաղորդում է ՏԱՍՍ-ը:

«Բոլորին կոչ ենք անում հանդարտվել, հրաժարվել հակառուսական զանգվածային փսիխոզից եւ կառուցողական ու հանգիստ երկխոսություն վարել, որպեսզի հարթվեն բոլոր տարաձայնությունները»,-ասել է նա:

Նա նշել է, որ Ռուսաստանը կշարունակի արձագանքել ոչ բարեկամական հարձակումներին, սակայն մնում է բաց երկխոսության համար:

Պեսկովի խոսքով՝ այսօր շատ երկրներ անհիմն մեղադրում են Մոսկվային ցանկացած հաքերային հարձակման մեջ: