Գերիների ծնողները չեն բացել Շիրակի մարզպետարանի մուտքը, աշխատակիցները գիշերել են շենքում

Խծաբերդում գերեվարված Շիրակի մարզի 62 զինծառայողների ու կամավորների ծնողներն ու հարազատները շարունակում են փակ պահել Շիրակի մարզպետարանի մուտքերը։ Աշխատակիցները ողջ գիշեր մնացել են մարզպետարանի շենքում, դուրս են թողել միայն կանանց, ինչպես ուշ երեկոյան, այդպես էլ հիմա բանակցությունները շարունակվում են: Այս մասին Auroranews-ի հետ զրույցում ասաց Շիրակի մարզպետարանի տեղեկատվության և հասարակայնության բաժնի աշխատակից Արաքսյա Կարապետյանը: 

Նրանք պահանջում են Շիրակի մարզպետի միջնորդությամբ հանդիպում ՀՀ վարչապետի, փոխվարչապետի ու պաշտպանության նախարարի հետ՝ պատճառաբանելով, թե անցած 6 ամիսների ընթացքում իրենց հանդիպումները երկրի ղեկավարության և զինվորականների հետ անարդյունք են եղել։