«Բարեկամության» մետրոյում տեղի ունեցած տեխնիկական խափանումը կանխվել է

Հարգելի՛ գործընկերներ,

այսօր՝ ժամը 20:50-ին, մետրոպոլիտենի «Բարեկամություն» կայարան ժամանող 3 վագոնանի գնացքի միջանկյալ վագոնում, տեղի է ունեցել տեխնիկական խափանում,որի արդյունքում առաջացել է տեղային ծխահարում։Իրավիճակը վերացվել է մետրոպոլիտենի աշխատակցի կողմից,ով գտնվել է գնացքի մեջ։ Խափանված գնացքը կայարան է մուտք գործել օգնող գնացքի միջոցով՝ ժամը 21:02-ին։Այս պահին երթևեկությունը ընթանում է գրաֆիկի համաձայն։

Հայցում ենք ուղևորների ներողամտությունը։ Այս մասին ֆեյսբուքյան իր էջում հայտնում է Կ․ Դեմիրճյանի անվան Երևանի մետրոպոլիտեն» ՓԲԸ» -ի մամուլի խոսնակ Տաթևիկ Խաչատրյանը: