Ադրբեջանի և Թուրքիայի բանակների կապավորները համատեղ զորավարժություններ կանցկացնեն
Ադրբեջանի և Թուրքիայի բանակների կապավորները ապրիլի 6-ին կսկսեն համատեղ զորավարժություններ, «ՌԻԱ Նովոստիին» հայտնել են Ադրբեջանի ՊՆ-ից:
Զորավարժությունների ընթացքում կապավորները կտեղակայվեն ուսումնամարտական առաջադրանքներ կատարելու վայրեր, որտեղ նրանք կմշակեն հաղորդակցման միասնական համակարգի կազմակերպման խնդիրները:
«Զորավարժությունները, որոնք իրականացվելու են ժամանակակից կապի և կառավարման ավտոմատացված համակարգերի օգտագործմամբ, իրականացնելու են զորքերի փոխգործակցության կազմակերպման, դաշտային հրամանատարական շտաբների տեղակայման և այլ միջոցառումների հետ կապված առաջադրանքներ: Վարժանքները կտևեն մինչև ապրիլի 8-ը»։
