Բայդենի վարչակազմը կճանաչի Հայոց ցեղասպանությունը․ ամերիկացի քաղաքագետ
Սպիտակ տան աղբյուրները հայտնում են, որ Ջո Բայդենի վարչակազմը ճանաչելու է Հայոց ցեղասպանությունը: Այս մասին Twitter- ի իր միկրոբլոգում հայտնել է ամերիկացի հայտնի քաղաքագետ ու մեկնաբան Յան Բրեմերը: Այսպիսով, Բայդենը կդառնա ԱՄՆ առաջին նախագահը, որը կճանաչի Առաջին աշխարհամարտի ընթացքում Օսմանյան կայսրության կողմից իրականացված ցեղասպանությունը, նշել է Բրեմերը:
«Էրդողանը ստիպված կլինի դիմակայել ԱՄՆ-ից եկող մեկ այլ դիվանագիտական մարտահրավերի: Սպիտակ տան աղբյուրները հայտնեցին, որ նախագահ Բայդենը պատրաստվում է ճանաչել 1915 թվականին օսմանցիների կողմից իրականացված ցեղասպանությունը»,- ասաց Յան Բրեմերը:
