Ազերիները մի քանի մետր առաջ են եկել, պոստ ավելացրել. Ներքին Խնձորեսկի համայնքապետ

Քիչ առաջ ԱԺ պատգամավոր Նաիրա Զոհրաբյանը հայտնեց, որ խնձորեսկցիներն ասում են՝ ադրբեջանցիներն, իրենց GPS-ը գրկած, էլի մի քանի տասնյակ մետր առաջ են եկել: 

Auroranews-ը լրացուցիչ մանրամասներ ճշտելու նպատակով կապ հաստատեց Ներքին Խնձորեսկի համայնքապետ Երվանդ Մալունցի հետ:

«Ներքին Խնձորեսկում  պոստ են ավելացրել, առաջ են եկել, GPS-ով այդ հատվածն իրենց տարածքում է ընկած: Գյուղացիների սեփական հողերի մի մասն էլ մնացել է իրենց տարածքում» - նշեց Խնձորեսկի համայքապետը:

Հարցին, թե քանի՞ մետրով են առաջ եկել, նշեց, որ չի կարող հստակ ասել: Հետաքրքրվեցինք, թե նման սահմանազատումների ժամանակ հայկական կողմից ներկայացուցիչներ լինու՞մ են տեղում, նշեց, որ ՊՆ ներկայացուցիչները տեղում են լինում: 

Պատասխանելով ճշտող հարցին, թե քանի գյուղացի է հայտնվել նման իրավիճակում և ինչպես են օգնելու այդ գյուղացիներին, նշեց. «Տասնյակ գյուղացիների մասին է խոսքը: Չգիտեմ, թե ինչ է լինելու այդ գյուղացիների, դեռ չեմ կարող ասել»: