Փաշինյանի հրաժարականի դեպքում ԲՀԿ-ն թեկնածու չի առաջադրի
«Բարգավաճ Հայաստան» կուսակցության առաջնորդ Գագիկ Ծառուկյանը կուլիսային որևէ հանդիպում չի ունեցել Նիկոլ Փաշինյանի հետ։ Հանդիպումների մասին լուրերը ԶԼՄ մի քանի ներկայացուցիչների հետ հանդիպմանը հերքեց Ծառուկյանը։
«Շատ լավ գիտենք, թե ովքեր են տարածում նման լուրեր, գիտեմ նաև, թե ինչի համար են տարածում։ Շատ մանրամասնել չեմ ուզում։ Եթե հանդիպում լիներ, բոլոր լրատվամիջոցներին տեղյակ կպահեինք»,- ասաց նա։
Գասգիկ Ծառուկյանը նշեց, որ ստեղծված իրավիճակում անհրաժեշտ է լուծում, ինքը գիտի դրա տարբերակներն ու յուրաքանչյուրի համար հիմնավորումներ ունի։
«Ինչքան շուտ ձևավորվի նոր իշխանություն, նոր կառավարություն, այնքան շուտ այս գործընթեցները կկանխվեն»,- ասաց նա։
Հարցին, Փաշինյանի հրաժարականի դեպքում, եթե վարչապետի թեկնածու առաջադրվի Արարատ Միրզոյանը, ԲՀԿ-ն կընտրի՞ նրան, Ծառուկյանը պատասախնեց՝ ոչ։ Նա նաև նշեց, թեկնածու չի առաջադրի «Բարգավաճ Հայաստան» խմբակցությունը։
«Անիմաստ է, քանի որ խորհրդարանում ընդդիմությունն ունի ընդամենը 30 տոկոս ձայն»,- ասաց նա։
