Սկսում ենք նոն-ստոպ ակցիաներ. 4 ուղղություններով կշարունակենք մեր անհնազանդության ակցիաները. Իշխան Սաղաթելյան
Նիկոլ Փաշինյանի հրաժարականը պահանջող ակցիայի մասնակիցները բաժանվեցին և շարժվեցին չորս տարբեր ուղղություններով՝ շարունակելու բողոքի ակցիան։
Իշխան Սաղաթելյանը հայտարարեց, որ այսօրվանից սկսած Նիկոլ Փաշինյանը և նրա իշխանությունն օր ու արև չպետք է ունենա Հայաստանում, այսօրվանից սկսվելու են բողոքի զանգվածային ակցիաներ։
«Հիմա, մենք բաժանվում ենք չորս ուղղությունների՝ մեկ ուղղությունը խաչմերուկով շարժվում է դեպի Մաշտոցի պողոտա-Ամիրյան, մյուսը՝ դեպի Սայաթ-Նովա-Աբովյան, երրորդը՝ Բաղրամյան-Մոսկովյան և Կինո Նաիրիի դիմաց»,- նշեց Սաղաթելյանը՝ հավելելով, որ այս ուղղություններով կշարունակեն անհնազանդության ակցիաները՝ իշխանություններին ցույց տալու իրենց հեռացման պահանջը։ Նրա խոսքով՝ քանի դեռ կա Նիկոլը, մեր երկրում կայունություն և հանգստություն չի լինելու։
