Հայաստանի առաջատար շախմատիստ Լևոն Արոնյանն այսօր մեկնարկեց առցանց անցկացվող արագ շախմատի Opera Euro Rapid մրցաշարում:
 

Մեր գրոսմայստերը մեկնարկային պարտիայում հաղթեց չինացի Դին Լիժենին, ապա պարտվեց աշխարհի չեմպիոն Մագնուս Կառլսենին: Երրորդ տուրում նա պարտության մատնեց ֆրանսիացի Մաքսիմ Վաշյե-Լագրավին, իսկ չորրորդում խաղաղ դաշն կնքեց ամերիկացի Վեսլի Սոյի հետ:
 

Այդպիսով, Լևոն Արոնյանը չորս հնարավորից վաստակել է 2,5 միավոր և այժմ նույն Վեսլի Սոյի, Հիկարու Նակամուրայի և ադրբեջանցի Թեյմուր Ռաջաբովի հետ բաժանում է 2-5-րդ տեղերը: Մրցաշարային աղյուսակը գլխավորում է աշխարհի չեմպիոն Մագնուս Կառլսենը, որը առաջին տուրում կրած պարտությունից հետո տարավ երեք անընդմեջ հաղթանակ և վաստակեց 3 միավոր:

Վերջին պարտիայում, ավելի ուշ, Արոնյանը անակնկալ պարտվեց ռուս Դուբովին։