Ծառուկյան-Հակպարաստ մենամարտը չեղարկվել է
UFC-ում հանդես եկող և Ռուսաստանը ներկայացնող հայազգի մարտիկ Արման Ծառուկյանի մենամարտը Գերմանիան ներկայացնող Նասրատ Հակպարաստի հետ չեղարկվել է: Այս մասին հաղորդում է ռուսական Sport-express-ը։ Այն պետք է տեղի ունենար հունվարի 24-ին Աբու Դաբիում անցկացվելիք UFC 257 մրցաշարում։
Ծառուկյանը չի տեղավորվել հայտավորված քաշային կարգում՝ գերազանցելով սահմանը 1,5 կգ-ով։ Իսկ Հակպարաստն ընդհանրապես չի ներկայացել պաշտոնական կշռմանը։
24-ամյա Արման Ծառուկյանը խառը մենամարտերում անցկացրել է 17 մենամարտ, տարել 15 հաղթանակ ու կրել 2 պարտություն: 25-ամյա Հակպարաստը տարել է 12 հաղթանակ ու կրել 3 պարտություն:
